Samundar mein samundar beh geya hai -december last nighte

Koi jazba adhoora reh geya hai,

December aansu’on mein beh geya hai,

Yeh dil khamosh ho kar reh geya hai,

Najane aaj woh kya keh geya hai,

Yeh aannkhain hain hamari kitni gehri,

Samundar mein samundar beh geya hai,

Tumhare sath wabasta tha sab kuch,

Siwaye yaad ke kya reh geya hai,

Palat kar dekhne per hum ne jana,

Dil-e-nadaan kya kya seh geya hai,

Bohat bheerr hai bazaron mein lekin,

Tera Arshad akela reh geya hai..

December Urdu Best Poetry

Na chairho khilti kalyon, hanste phoolon ko ..

 
In urhti titliyon, aawara bhawron ko, ..

Tassalsul Toot jaay ga!...........


Fiza mehway sama'at hai, ...........

Haseen honton ko naghma-rez rehne do, ...........

Nigahaen neechi rakho aur mujassam gosh ban jaao ......

Agar junbish labon ko di, ..........

Tassalsul Toot Jaay ga! .............


Hawa say pat-tiyaan sargoshiyon mein mehave hain ........

Aur jhoomti shakhon ke jhoolon mein .........

Parindon ki chahak se sara sahil ..........

Sarmadi ehsas mein Dooba huwa ..

Sarshar-o-shadaan hai ............

Agar kankar bhi satah-e-aab pe mara ......

Tassalsul Toot jaay ga!...


Ufuq mein Doobte sooraj ka manzar ...

Iss bulandi se zara dekho .........

Issi rangeen kinaare par, .......

Shafaq sona luta-ay gi ........

Yoonhi tum be- hiss-o-saakit raho ........

Aise mein palkain bhi zara jhapkain .......

Tassalsul Toot jaay ga! ....


Wo khwabeeda hai, khwabeeda hi rehne do ............

Na jaane khwaab mein kin waaadiyon ki sair karti ho ....

Bulandi se phisalte aabsharon mein kahin gum ho ........

Falak- asaar choti par kahin meh'way tarranum ho ................

Agar awaz di tum ne .......

Tassalsul Toot jaay ga!............


Main shayar hoon, .......

meri fikr-e- rassa, ehssass ki uss satah par hai ..............

jiss mein khushboo rang banti hai .............

sada ko shakl milti hay .............

tassavvur bol uthta hai ...........

khamoshi gungunaati hai .....................

yeh wo waqfa hai  aise mein, ......................

agar daad-e-sukhan bhi di ...............

tassalsul Toot jaay ga!...............

great december poetry in urdu

Sad December Poetry

Lambay Safar Ki Oat Mein Pal Bar Nahin Ruka..

  Mein Waqt K Fareeb Mein Aa Kar Nahin Ruka....

Phir Aa Gaya Aik Naya Sal Dosto…..

Is Bar Bi Kisi Say December Nahin Ruka...

Lay Kar Kisi Nain Haath Mein Kashkol-E-Waqt........

Aisa Safar Kia K Kahin Per Nahin Ruka.......

Manzar Kay Aks Mein Koi Chera Chatakh Gaya.......

Sheshay Kay Pas Aa Kay Jo Pathar Nahin Ruka..........

Chalta Raha Adoo Ki Safin Rondta Howa...........

Lakhon Ka Khoun-E-Jigar Kar K B Lashkar Nahin Ruka.........

Bas Yeh Howa K Akhri Lamha Bi Aa Gaya........

Dil Ka Tawaf Koocha-E-Dilbar Nahin Ruka.......

the best poetry in urdu

Great December Urdu Poetry

Kayii Saal Guzrey
Kayii Saal Beetey

Shab-o-Roz Ki Gardishon Ka Tasalsul...

Dil-o-Jaan Mein Saanson Ki Partein Ultatey Hue...

Zalzalon Ki Tarah Haanpta Hay!...

Cheekhtey Hue Khuwab...

Aankhon Ki Nazuk Ragein Cheeltey Hain...

Magar Main Har Ik Saal Ki Goud Mein...
Jagti Subah Ko....

Bey Karaan Chahton Se Atti Zindagi Ki Dua Dey Kar...

Ab Tak Vohi Justaju Kar Raha Hoon...

Safar Zindagi Hay...

Safar Aagahi Hay...

Safar Aabla Payii Ki Dastan Hay...

Safar,Umer Bhar Ki Sulagti Hui Khuwahishon Ka Dhuwan Hay...

Kayii Saal Guzrey...

Kayii Saal Beetey...

Musalsal Safar k Kham-o-Paich Mein...

Saans Leti Hui Zindagi Thak Gayii Hay...

k Jazbon Ki Geeli Zameenoo Mein...

Boye Hue Roz-o-Shab Ki Har Ik Fasal Ab Pakk Gayii Hay...

Guzarta Hua Saal b Aakhrii Hichkiyaan Ley Raha Hay...

Mery Paish-o-Pass...

Khauf, Dehshat, Ajal,Barood Ki Mouj....

Aabadian Noch Kar Apney Jabrron Mein Jhakrri Hui Zindagi Ko..

Darindoo Ki Surat...

Nigalney Ki Mashqon Mein Masroof Tar Hain...

Har Ik Rasta, Maut Ki Rahguzar Hay...

Guzarta Hua Saal Jaisy b Guzra...

Magar Saal k Aakhri Din...

Nihayet Kathin Hain...

Har Ik Simt Laashon k Anbaar...

Zakhmi Janazon Ki Lambii Qitarein...

Kahan Tak Koi Dekh Paye...

Hawaon Mein Barood Ki Baas...

 
Khud Aman Ki Noha Khuwan Hay...

Koi Chara Gar, Asr-e-Hazir Ka Koi Maseeha Kahan Hay...

 
Mery Milney Walon....

 
Naye Saal Ki Muskuratii Subah Gar Haath Aye..

To Milna....

 
k Jatay Hue Saal Ki Saaton Mein...

Yeh Bujhta Hua Dil..

Dharakta To Hay..

Muskurata Nahi...

December Mujhay Raas Aata Nahi...

best urdu poetry

Poetry On December Sms - Urdu December Poetry

Naee hikayat muhabbaton ki

 
Shikayatoon ki 

Bhujhe bhuje se haroof le kar 

Kohar mein doobi seyyahoon ki ..

 
Warq warq per utaarna hai ...

Udaas shamoo ke phool chun kar ...

Suno December ...
Ussay pukaaro ...
Ussay bulaaoo ...

Suno December ... Ussay mila do ...

Ab is se pehlay ke saans niklay ...

Ab is se pehlay ke saal guzray ...

Wohi lakeerain wohi sitaara ...

Meri lakeeroon mein qaid kar do ...

Ya aakhri shab ke aakhri pal ...

Koi bara ikhtitaam kar do ...

Yeh zindagi bhi tamaam kar do ...

Suno December ... Ussay mila do...

Poetry of December - Urdu Best December Poetry

December ki sard hawaoo....

Us se milo to kehna....

K aaj bhe....

Us ki yaad....

Kisi k dil main...

Mustaqil...

Khaima zan hay....

Koi aaj bhe usay...

Uthtay,bethtay,sotay ,jagtay,....

Hanstay,rotay....

Yaad karta hay....


December ki sard hawaoo....

Us se milo to kehna...

K aaj bhe...

Kisi ki palkain...

Sir e sham he...

Us k intizar main...

Beech jati hain,...

Aaj bhe koi...

Us kay liye...

Udas rehta hay...

December ki sard hawaoon

Us se milo toa kehna...

K aaj bhe...

Kisi k din rat...

Us kay bin...

Sogawar guzertay hain,...

Aaj bhe...

Kisi ki aankhain...

Us kay liye...

Num rehti hain...

December ki sard hawao...

December ki sard hawao...

December ki sard hawao...

Urdu Poetry on December - Best Urdu Poetry - English Poetry sms

Suno

December ki thitharti huii shaamien..

Kohar ma lipti dhundaali si subhien..

Darakhton se girte huye..

Khushk zerd patte..

Wo gaaon ke tamaam raste..

Mohabbaton ke tamaam rishte..

Khayaal abad kerte hain..

Tumhein sub yaad kerte hain..

December Poems - Urdupoems

December jab bhi ata hai...

 
Wo pagli...

Phir se beete mosamon ki

Talkhion ko yaad karti hai

Porana card parhti hai

Ke jis main os ne likha tha

Main louton ga december main

Naye kapre banati hai

Wo sara gher sajati hai

December ke her ek din ko

Wo gin gin ker betati hai

Jonhi 15 guzerti hai

Wo kuch kuch toot jaati hai

Mager pher bhi

Porani album ko khool ker
Mazi bolati hai

Nahi maloom ye es ko

Ke beete wakt ki khushian

Boht takleef deten hain

Mahz dil ko jalati hain

Yonhi den beet jaate hain

December lout jata hai

Mager wo khush-fehm si larki

Dobara se calender main

December ke maheene ke

Safhe ko moor ker pher se

December ke saher main doob jati hai

Ke akhir os ne likha tha

Main louton ga december main...

urdu peoms